حلم يقضة... بقلم آمال الفراتي

أسعد الله مساءكم أحبتي أصدقائي ومساءكم بعبق الياسمين

الى محبي الشعر الشعبي ( بقلمي)

حلم يقضة

أرد أسألك اليوم أضن حلمانة آني

لوصدك إنتة إجيت ؟!

شفت روحي بغير دنيا

وهم أضن يَمَك غفَيت

أخذتني وياهَة السعادة

وفوك علغيم إعتليت

شكُثر عطشانة على شوفك

وأبد مامنة إرتويت

جلبت بيدك يغالي

ردِتْ تبقَة ومابقيت

وسافرت روحي وية دربك

وجني ببعادك عميت

وألله لو شايف دموعي

شلون صبَّن من مشيت

مارِدِتْ أصحَة من حلمي

إتعَذَبِتْ لَمَنْ صحَيت

ألتِفِتْ يمْنَة مَرَة يسْره

ماأَثَرْ مِنَكْ لِكيْت

صَخَنِتْ والنار كَبْرَه

وبلجَمرْ حيلْ إنجوَيْت

*************