قصيدة الشهيد... بقلم بسيوني صديق

قصيدة الشهيد
************
سامحني يا أبويا
علشان خاطري
لو كنت في يوم
زعلتك مني
أو صوتي عيلي
مكنش قصدي
أنا عريس
وعرسي في قبري
لما تكون راضي عني
ورضاك يا أبويا
بيوصلني
وأمانة عليك
تروح لأصحابي
وتقعد معاهم
علشان ده شئ يفرحني
وجاكيت البدلة
أبو زراير دهبي
إديه للمحتاج صدقة
تشيل عني
أنا كنت عارف ياأبويا
إنك كنت بتحلم
وتشوفني
وأنا لابسه
في يوم فرحي
بس القدر كان
أكبر منك ومني
وديه سنة الحياة
والموت نهايتك ونهايتي
وأوعا تبكي يا أبويا
لإن بكائك يحرقني
كل اللي عاوزه منك
في صلاتك تدعيلي
وتصبر أمي يا أبويا
صبرها يواسيني
وأقولها إبنك في الجنة
مع الحور العيني
كان نفسي أكون جنبكم
يا نور عيني
وأكون عجازكم
والله يكافيني
لكن أمر الله مكتوب
علي جبينكم وجبيني
*****************************
كلمات بسيوني صديق