في عشق البحر... بقلم مي ابراهيم القاضي

# في عشق البحر

عم يامراااااااكبي
تعالي يلا خدني
عاوزه اعرف حبيبي ماله
مني زعلاااااااااااان
بين لحظه والتانيه
أمواجه بتعلي شويه
وعيونه ايه مداريه
شكله مني غضبان
يا بحر بعشقك
في هدوءك  وغضبك
برده بعشقك كفايه
خليني اعرف ايه بينك
وبيني مخليك كده
طيب شوف عيني
وذكرياتك  وحنيني
يمكن تهدا شويه
لقيته بيضحكلي
معقوله ولا بيتهيئلي
وكماااااان بيندهلي
تعالي واحكيلي شويه
المسي  حبات رملي باديكي
غنيلي زي زمان بعنيكي
يا بحر الهوي يا حبيبي أنا
حبيبي يا بحر
ضحكاتك  زي السحر
خلاص مسامحني  طيب وريني
يلا يا مراكبي
خليني اشوف موجه
في هدوءه  وسكوته
اصل بعشق صوته
وكمان ها اغنيله
ومن قلبي ها أحكيله
 وأعزفله  مواويله
خلاص يا مراكبي
بحري  ضحكلي
وغنالي كمان بصوته

بقلمي / مي ابراهيم القاضى